Баян-Өлгий аймгийн Толбо сумын харьяат, Өнерханы Ахжархын Дэлхийн аварга шалгаруулах Кураш бөхийн тэмцээнээс хүрэл медаль хүртэж, Дэлхийн тавцанд төрөлх сум орон нутаг, улс, аймгийн нэрийг цуурайтуулж, спорт сонирхогч олноо баярлууллаа. Энэ төрлөөр Аймгийн 5 удаагийн аварга, Бүсийн 3 удаагийн аварга, Улсын аваргын 2 удаагийн аварга хэмээх бахархам амжилтуудын эзэн бөгөөд энэхүү дэлхийн медаль нь түүний хөдөлмөр, хичээл зүтгэлийн бодит үр дүн байлаа. Дээрхи амжилтаар Ө.Ахжархын нь спортын мастер, спортын дэд мастерийн цолын болзолыг хангасан болно. Дэлхийн аварга Ө.Ахжархыныг төрөлх нутагтаа амжилт дүүрэн хүрэлцэн ирэхэд сумын удирдлагууд, төрөл төрөгсөд замаас тосож, хүндэтгэл үзүүлэн мөнгөн шагнал, гарын бэлгээ гардуулсан болно. Ирээдүйн их амжилтын эхлэл болсон энэхүү түүхэн ялалтад чин сэтгэлийн халуун баяр хүргэж, цаашдын сурлага хөдөлмөрөөс нь өндрөөс өндөр амжилт хүсэн ерөөе!

2025.12.22-ны өдөр Толбо сумын ИТХ-ын ээлжит VII хуралдаан 100 хувийн ирцтэй хуралдаж нийт 7 төрлийн асуудал хэлэлцэн батлав. Үүнд: ИТХ-ын даргын 2025 онд хийсэн ажлын тайлан, ИТХ-аас батлагдсан зарим тогтоолуудыг хүчингүй болгох, ИТХ-ын 2025-2028 он хүртэлх хэрэгжүүлэх стратеги төлөвлөгөө батлах, Ан агнуурын менежментийн төлөвлөгөө батлах, сумын Газар зохион байгуулалтын төлөвлөгөөний биелэлт, 2026 оны газар зохион байгуулалтын төлөвлөгөө батлах, Сумын 2026 оны төсөв батлах, Толбо нуурын эрэг дээр үйл ажиллагаа явуулахад баримтлах журам батлах гэсэн асуудлуудыг хэлэлцэн шийдвэрлэв. Уг хуралдаанд нийт урилгаар 15 төрийн албан хаагч урилгаар оролцов. Дэлхийн байгаль хамгаалах сангийн сургалт хариуцсан мэргэжилтэн Галбадрахт 10 хоногийн өмнө сургалт авья гэж хүсэлт тавьсан, ИТХ-ын даргын хүсэлтийг хүлээн авч шийдвэрлэснээр Хурлын төлөөлөгчдэд хуралдаан эхлэхээс өмнө сургагч багш Бадамсүрэнгээс "Байгалийн нөөц ашигласны төлбөрийг яаж зарцуулах бэ" гэсэн сэдвийн хүрээнд мэдээлэл өгсөн болно. Шинээр сонгогдсон төлөөлөгчдийн хуулийн мэдлэгийг дээшлүүлэхэд хувь нэмэр оруулсан явдалд ДБХСангийн мэргэжилтэн багш нарт сумын ИТХ-ын дарга А.Базархан, Засаг дарга Б.Жанарбек нараас талархал илэрхийлэв.

Толбо сумын Бүргэдийн баяр 2025.12.21-ний өдөр Саят төве хэмээх газарт зохион байгуулагдав. Энэ арга хэмжээний онцлог нь зөвхөн сумын уугуул иргэдийн дунд явагдаж, мартагдаж буй үндэсний уламжлалт соёлын өвийг өндөр түвшинд зохион байгуулж, ирээдүйн хүүхэд залуучуудад өвлүүлэн үлдээх цаашид улам сайн хөгжүүлэх

Монгол Улсын шинэ Үндсэн хууль батлагдсаны ойг тохиолдуулан УИХ-ын даргын ивээл дор жил бүр зохион байгуулагддаг "Шатар сонирхогчдын сумын аварга шалгаруулах шатрын тэмцээн" 11 дүгээр сарын 25-ны өдөр амжиллтай зохион байгуулагдсан. Тус тэмцээнд эрэгтэй 8, эмэгтэй 5 нийт 13 шатарчин оюун ухаанаа уралдуулан өрсөлдсөн. Үүнд: Эрэгтэй төрөлд: 1-р байр М.Хурмангаз 2-р байр Б.Солдатхан 3-р байр Н.Сайран Эмэгтэй төрөл: 1-р байр З.Ерсингүл 2-р байр С.Хамкеш 3-р байр С.Харшига нар тус тус байр эзэлж, эрэгтэй төрөлд М.Хурмангаз, Б.Солдатхан, эмэгтэй төрөлд З.Ерсингүл нар 12 дугаар сард зохион байгуулагдах "шатар сонирхогчдын Аймгийн аварга шалгаруулах тэмцээн"-д сум орон нутгаа төлөөлөн оролцох эрхийн бичгээр шагнагдлаа. Нийт оролцсон шатарчдадаа спортын өндөр амжилт хүсье. ИТХ-ын ажлын алба

Засгийн газрын 2023 оны 25 тогтоолоор шинэчлэн батлагдсан

Толбо сумын төвд "Алтан удам" хэмээх исламын шашны сургалт хүмүүжлийн үйл ажиллагаа эрхлэх 3 давхар шинэ барилга ашиглалтанд орлоо. Энэ барилгын ажлыг Турк улсын иргэн болон сумын ард иргэдийн хандив тусламжийн хүрээнд 2023 оноос эхлэн 3 жилийн хугацаанд дуусгалаа. Энэ барилгын нээлтийн үйл ажиллагаанд сумын удирдлагууд оролцож үг хэлэв

2025.09.10-ны өдөр ИТХ, ЗДТГ-ын албан хаагчид хэлмэгдэгсдийн хөшөөнд цэцэг өргөв

Толбо сумын хэмжээнд төрийн үйл ажиллагаа эрхэлдэг 7 байгууллага орчны цэвэрлэгээ хийв

Толбо сумын Толбонуур, Дөрөөнуур, Бураат багуудын иргэдийн нитйин Хурал 2025 оны 28,29,30-ны өдрүүдэд тус тус хуралдаж, 11 төрлийн асуудлыг хэлэлцэн шийдвэрлэв. Үүнд: 1. Багийн Засаг даргын 2024 онд хийсэн ажлын тайлан, 2025 онд хийгдэх ажлын төлөвлөгөө, зусланд гарах, эцэг мал тусгаарлах, малчин томилох, хадлангийн цагдаа томилох, намаржаанд буух, хадланд буух хугацаа товлох, малчин болон хадлангийн цагдаа нарын хөлс тогтоох, ОНХСангийн хөрөнгөөр хийгдэх тулгамдсан асуудлыг тодорхойлох зэрэг ажлуудыг хэлэлцэн шийдвэрлэсэн болно.

2025 оны 05 дугаар сарын 26-ны өдөр хонгорөлөн баг, 27-ны өдөр хош багууд багийн нийтийн хурлаа зохион байгуулж цаг үеийн асуудлуудыг хэлэлцэн шийдвэрлэв. Үүнд: 1. Багийн Засаг даргын 2024 онд хийсэн ажлын тайлан, 2025 онд хийгдэх ажлын төлөвлөгөө, зусланд гарах, эцэг мал тусгаарлах, малчин томилох, хадлангийн цагдаа томилох, намаржаанд буух, хадланд буух хугацаа товлох, малчин болон хадлангийн цагдаа нарын хөлс тогтоох, ОНХСангийн хөрөнгөөр хийгдэх тулгамдсан асуудлыг тодорхойлох зэрэг ажлуудыг хэлэлцэн шийдвэрлэсэн болно.

Багийн иргэдийн Нийтйин Хурлын хуралдааны дарга нарт сургалт хийв. Сургалтанд 6 багийн хуралдааны дарга нар болон ИТХ-ын ажлын алба оролцож багийн хэмжээнд тулгамдаж байгаа асуудал, цаг үеийн мэдээллийг танилцуулав. Мөн дараагийн багийн Хурлаас авч хэрэгжүүлэх арга хэмжээний талаар санал солилцов.

2025 оны 03 дугаар сарын 24-ний өдөр Хүний нөөцийн удирдлагын албаны Газрын ахлах референт Д.Нармандах тэргүүтэй ажлын хэсэг Толбо сумын бүх төрийн байгууллагын ажилтай танилцаж Төрийн албаны тухай хууль, түүнтэй холбогдон гарсан дүрэм журмын хэрэгжилт орон нутагт хэр зэрэг хэрэгжиж байгаа байдалтай газар дээр нь танилцаж, сургалт семинар хийж, зарим албан хаагчдын асуултанд хариулан зөвлөн тусалж ажилласан болно.

2025 оны 03 дугаар сарын 21-22-ны өдрүүдэд сумаас 1994 онд 8-р анги төгсөгчдээс 2025 оны Толбо сумын Наурызын баярыг тэмдэглэн өнгөрүүлэв. Үүнд төгсөгчдээс нийт 30 сая төгрөгийн хандиваар хөдөлгөөнт парад, гудамжуудын хооронд аст, олс таталт, 2 насны эр үхэр өргөх, бүргэдээр ан хийх, бөхийн барилдаан, эсгий гэрийг багуудаас барьж тохижуулах зэрэг уралдаан тэмцээнийг зохион байгуулж, байр эзлүүлэн ивээн тэтгэж шагнасан болно. Мөн өөрсдийн авьастай оролцогчдын дундаас концерт тоглож, сумын нийт иргэдийг хамруулан соёлын өндөр түвшинд зохион байгуулж үндэсний зан заншил, өв уламжлалыг хойш үедээ сурталчлан таниулах арга хэмжээг зохион байгуулан ажиллав. Мөн ахмадуудад хүндэтгэл үзүүлж, цайллага, гарын бэлэг өгч баярлуулав.